Umgetäffd

Umgetäffd

Alle Jahr is uff´n owere Margd di Häfeles-Mäss
Früher warsche  wo annersch wie jeder no wäss
Da komme die Leud vo weid drauße von Land:
Da hörd mer als Spässli – a des is bekannd
Da war so e Fräle in der Schdadd uff Besuch.
Die gruschd in der Häfe, si will sich was such.
Soviel se aa schdührd , si find nid was se will.
Der Töbfer guggd zu, bei den fruchtlos Gewühl.
Dann sechd er zue re, liewe Frau, was solls sei.
Mir ham ganz beschdimmd a für sie was debei .
Es Fräle läffd rot a, wie soll ses när saach.
"Es is was mer nachds brauchd awer säldn an Taach."
Da ziech där unnern Regal, sei Potschamberli raus:
“"Bittschöe, liewe Frau, nacherd suches hald aus."
Ihr Leud näwedra, scheniern sich scho sähr .
Bekannde bleim stehe , gugge grinsnd dahär .
"Där is mer zu klee, hamse nix grössersch da."
"Wie gross sollern sei" frächd belustichd der Ma.
"I bin nid elee, dr Max brunnst a no mid nei,
so für vier fümpf Sächer ,muss der Hafe scho sei."
Bis dahi warn ihr Leut als die "Schneidersch" bekannd :
Ab da sin se hald di "Sächschneidersch" genannd